रस्त्यावर व्यायाम करणाऱ्या बालकावर बिबट्या/वाघाने केला प्राणघात हल्ला

राकेश घोटेकार विदर्भ 24 न्युज ग्रामीण प्रतिनिधी कवठी, मो. 7875468098

शेकडो लोकांनी शोधल्यावर बालकाचा मिळाला मृतदेह.

कवठी प्रतिनिधी :- सकाळी उठून व्यायाम करण्यासाठी गेलेल्या बालकाला बिबट । वाघानी ने उचलून नेल्याने त्याचा शोधार्थ शेकडोजण जंगलात गेले आणि शोधकार्य केले असता त्या बालकाचा मृतदेह च मिळाल्याने एकच हंबरडा फोडला जात आहे . सावली तालुक्यातील कापसी येथे आज पहाटे 5 च्या दरम्यान फिरायला गेलेले काही बालक व युवक हे रस्त्यावर व्यायाम करीत असतांनाच संस्कार सतीश बुरले वय 10 वर्ष याला बिबट / वाघाने उचलून नेल्याची चर्चा सुरू होती त्या बालकाच्या शोधार्थ गावातील शेकडो जण जंगलात गेले असून शोध कार्य घेत असतांनाच त्या बालकाचा प्यांट मिळाल्यानंतर व पुन्हा समोर शोधकार्य घेतले असता त्या बालकाचा मृतदेह मिळाला आहे . या प्रकारणची माहिती वनविभाग व पोलिसांना देण्यात आलेली आहे . बिबट की वाघा ने नेले हे अजून पर्यंत कळले नसले तरी या परिसरात मोठ्या प्रमानात बिबट व वाघाचा वावर आहे. कापसी परिसरात भीतीचे वातावरण पसरले असून त्वरित बिबटया व वाघाचे बंदोबस्त करावे अशी मागणी कापसी वासियांनकडून केली जात आहे.