विश्वशांती विद्यालय तथा उच्च माध्यमिक विद्यालयात प्रजासत्ताक दिन साजरा
*विश्वशांती विद्यालय तथा उच्च माध्यमिक विद्यालयात प्रजासत्ताक दिन साजरा*
प्रतिनिधी:
भारताला स्वातंत्र्य मिळवून देणाऱ्या वासुदेव बळवंत फडके या आद्य क्रांतिकारकापासून तर राष्ट्रपिता महात्मा गांधी पर्यंतच्या तमाम थोर क्रांतिकारकांना तसेच भारताच्या सीमारेषेला प्राणाच्याही पलीकडे जाणाऱ्या सैनिक वीर शहिदांना सलाम करून विश्वशांती विद्यालय तथा उच्च माध्यमिक विद्यालयात ७४ वा प्रजासत्ताक दिन मोठ्या उत्साहात साजरा करण्यात आला.
शाळेचे ध्वजारोहण भारत शिक्षण प्रसारक मंडळाचे सचिव राजाबाळ पा. संगिडवार यांच्या हस्ते संपन्न झाले. संविधानाचे महत्त्व तसेच देशाचे संविधान किती महत्त्वाचे आहे याचे विवेचन कार्यक्रमाच्या प्रास्ताविक मधून विद्यालयाचे मुख्याध्यापक रविंद्र मुप्पावार यांनी मांडले. मंचावर प्रमुख पाहुणे म्हणून भारत शिक्षण प्रसारक मंडळाचे कोषाध्यक्ष डॉ. विजय शेंडे,नगरसेविका पल्लवी ताटकोंडावार,ऍड.लाडे, गांधी विचार मंचचे सदस्य नुत्तलवार, प्रभाकरजी गाडेवार, विद्यालाचे माजी मुख्याध्यापक केवलरामजी खेवले,संतप्रकाश शुक्ला, माजी शिक्षक चरणदासजी बोम्मावार,रत्नाकरजी येंनगंदेवार, पर्यवेक्षक राऊत सर, वैशालीताई राऊत इत्यादी मान्यवर उपस्थित होते.
प्रजासत्ताक दिनानिमित्त शालेय विद्यार्थ्यांचे मनोरे,कवायत,लेझीम, देशभक्तीपर नृत्य आणि भाषणे सादर करण्यात आले. कार्यक्रमाच्या संचालन प्रा.राजू केदार तर आभार प्रा.देवानंद दुधे यांनी मानले. कार्यक्रमाच्या यशस्वीतेसाठी विद्यालयातील शिक्षक आणि शिक्षकेत्तर कर्मचारी यांचे सहकार्य लाभले.
Loading ...
