*लाडक्या बहिणींना कर्ज मिळणार*
*महाराष्ट्र सरकार देणार कर्जाची हमी*
सावली: महाराष्ट्रातील महिला उद्योजिकांसाठी एक आनंदाची बातमी! राज्य सरकारने महिलांना व्यवसायासाठी कर्ज मिळवून देण्यासाठी मोठा निर्णय घेतला आहे. यापुढे महिलांना कर्ज मिळवताना अडथळे येऊ नयेत म्हणून महाराष्ट्र सरकार त्यांच्या कर्जासाठी हमी देणार आहे.
ही योजना महिला उद्योजकता वाढवण्यासाठी आणि महिलांना आर्थिकदृष्ट्या सक्षम करण्यासाठी राबवली जात आहे. यामध्ये स्वयंसहायता गटांच्या सदस्यांनाही कर्ज मिळण्यासाठी प्रोत्साहन दिलं जाणार आहे. महिलांना कमी व्याजदरात कर्ज उपलब्ध करून देण्यात येईल आणि त्यासाठी शासन बँकांना हमी देणार आहे.
मुख्यमंत्री देवेंद्र फडणवीस यांनी सांगितले की, “महाराष्ट्रातील महिलांना स्वावलंबी बनवण्यासाठी सरकार कटिबद्ध आहे. त्यामुळे त्यांना व्यवसाय सुरू करताना भांडवली अडचण येऊ नये, म्हणून सरकार त्यांचा आधार बनणार आहे.”
*योजनेची वैशिष्ट्ये:*
महिला उद्योजकांना कर्ज मिळवण्यासाठी सरकारची हमी
स्वयंसहायता गटांना विशेष प्रोत्साहन
कमी व्याजदरात कर्ज उपलब्ध
आर्थिक आत्मनिर्भरतेसाठी पुढाकार
ही योजना लवकरच संपूर्ण राज्यभरात अंमलात आणली जाणार असून त्यासाठी वित्त विभाग आणि महिला व बालकल्याण विभाग समन्वयाने काम करणार आहेत.
Loading ...