सागवान तस्करी करणाऱ्या ४ आरोपींना अटक, दुचाकींसह सागवानी लट्ठे जप्त..

🔊 Listen to this

दिपक बोलीवार विदर्भ 24 न्युज जिल्हा प्रतिनिधी, गडचिरोली मो. न. 9422645343

सागवान तस्करी करणाऱ्या ४ आरोपींना अटक, दुचाकींसह सागवानी लट्ठे जप्त

विदर्भ 24 न्यूज
जिल्हा प्रतिनिधी / सिरोंचा : सिरोंचा – आलापल्ली मार्गावर दुचाकीवरून सागवानाची तस्करी करीत असताना ४ आरोपींना अटक करण्यात आली आहे . आरोपींकडून दोन दुचाकी तसेच लठे व अन्य साहित्य जप्त करण्यात आले आहेत. इशाक बापू दुर्गम ( २५ ) , विनोद उर्फ राकेश स्वामी दुर्गम ( २५ ) , राजेंद्र बकन्ना दुर्गम ( १ ९ ) आणि संजयसिंग रामक्रिपालसिंग राठोड ( २ ९ ) सर्व रा . सूर्यापल्ली अशी अटक करण्यात आलेल्या आरोपींची नावे आहेत . २६ जुलै रोजी रात्री सिरोंचा येथील वनपरीक्षेत्र कार्यालयात मिळालेल्या गुप्त माहितीवरून अमडेली जंगलात गस्तीवर असताना दोन दुचाकीने ४ इसम सागवानी लठू घेवून जाता आढळून आले . आरोपींना थांबवून चौकशी केली असता सागवान तस्करी केली जात असल्याचे आढळून आले . आरोपींना ताब्यात घेण्यात आले . तसेच घटनास्थळावरून एमएमच ३४ जे ३६ ९ १ व एपी १ के १७८५ , ०.१७४ घनमीटर १० हजार ४३६ रूपये किमतीचे सागवानी लठू जप्त करण्यात आले . आरोपींवर वनगुन्हा दाखल करण्यात आला आहे . आरोपींनी खंड क्रमांक १८४ या राखीव वनामध्ये सागवान लाकडांची तोड केली . याबाबत मोका चौकशी करण्यात आली . घटनास्थळावर तोडलेल्या मालाची मोजणी केली असता ०.१ ९ ७ घनमीटर म्हणजे ११ हजार ८१६ रूपये किमतीच्या झाडांची तोड करण्यात आली . घटनेत वापरलेले इतरही साहित्य जप्त करण्यात आले . सदर कार्यवाही उपवनसंरक्षक सुमितकुमार , सहाय्यक वनसंरक्षक एस.जी. बडेकर यांच्या मार्गदर्शनात वनपरीक्षेत्र अधिकारी वि.वा.नरखेडकर , क्षेत्रसहाय्यक बी.एम. खोब्रागडे , एल.एम. शेख , वनरक्षक बी.एम. नरोटे , आर . व्ही . जवाजी , डी.जी. भुरसे , पी.डी. कोडाप , एम.जे. धुर्वे , आर.वाय . तलांडी , एस.टी. तुलावी , आर.एस. पदा , वाहनचालक वाय . आर . गुणशेट्टीवार यांनी केली आहे.

बातमी व जाहीराती साठी संपर्क साधा-9422645343