“पालकमंत्री ना. विजयभाऊ वडेट्टीवार आज चंद्रपूर जिल्ह्याच्या दौऱ्यावर”

चंद्रहास ईटकलवार विदर्भ 24 न्युज, पोभुर्णा तालुका प्रतिनिधी, मो. न. 8459174128

महाराष्ट्र राज्याचे मदत व पुनर्वसन, आपत्ती व्यवस्थापन, इतर मागास बहुजन कल्याणमंत्री तथा चंद्रपूर जिल्ह्याचे पालकमंत्री ना. विजयभाऊ वडेट्टीवार आज चंद्रपूर जिल्ह्याच्या दौऱ्यावर आहेत.

त्‍यांचा दौरा कार्यक्रम पुढीलप्रमाणे आहे. आज सकाळी 10:30 वाजता खांबाळा ता. वरोरा येथे नागपूरहून आगमन व आरोग्य उपकेंद्र, खांबाळाच्या उद्घाटन समारंभास उपस्थिती. सकाळी 10:45 वाजता जिल्हा परिषद प्राथमिक शाळा, खांबाळा येथील दोन खोली शाळा इमारतीच्या उद्घाटन समारंभात उपस्थित राहतील. सकाळी 11:00 वाजता खांबाळा ता. वरोरा येथून चंद्रपूरकडे प्रयाण करतील.

दुपारी 12:00 वाजता शासकीय विश्रामगृह, चंद्रपूर, येथे आगमन व राखीव. दुपारी 1:00 वाजता जिल्हाधिकारी कार्यालय,चंद्रपूर, येथे व्ह‍िडिओ कॉन्फरन्सद्वारे मंत्रिमंडळ बैठकीस उपस्थिती. दुपारी 2.50 वाजता नियोजन भवन, चंद्रपूर येथे कोविड-19 बाबत मोबाईल टेस्टिंग व्हॅन व रुग्णवाहिका लोकार्पण सोहळा कार्यक्रमास उपस्थित राहतील.

दुपारी 3:00 वाजता नियोजन भवन येथे चंद्रपूर जिल्हा नियोजन समितीच्या बैठकीस उपस्थिती. सायंकाळी 5:30 वाजता नियोजन भवन येथे पत्रकार परिषदेला उपस्थित राहतील. सायंकाळी 7:00 वाजता चंद्रपूर वरून नागपूरकडे प्रयाण करतील.