गृहमंत्री अनिल देशमुख यांना पोलीस बॉईज असोसिएशनने दिले निवेदन

गजानन आलेवार विदर्भ 24 न्युज ग्रामीण प्रतिनिधी जांब बूज

गृहमंत्री अनिल देशमुख यांना पोलीस बॉईज असोसिएशनने दिले निवेदन

चंद्रपूर :- दिनांक 06 / 06 / 2020 रोजी .. पोलीस बॉईज असोसिएशनचे संस्थापक – अध्यक्ष श्री. प्रमोद तानाजी वाघमारे सर यांच्या आदेशानुसार चंद्रपूर येथे गृहमंत्री श्री. अनिल देशमुख सर यांना ” पोलीस बॉईज असोसिएशन शाखा चंद्रपूर जिल्हा यांच्या वतीने ” महाराष्ट्र पोलीसांच्या ” विविध मागण्यांचे निवेदन विदर्भ कार्याध्यक्ष तथा चंद्रपूर जिल्हाध्यक्ष श्री.भुवनेश्वर निमगडे यांच्या नेतृत्वाखाली सद्दाम अन्सारी ,देविदास बोबडे ,साहिल मडावी या शिष्टमंडळाने दिले.

या आहेत मागण्या

1 ) जोपर्यंत कोरोना बंदोबस्त आहे ..तोपर्यंत पोलीस अधिकारी व पोलीस कर्मचारी यांना दुप्पट पगार देण्यात यावा.

2 ) प्रत्येक जिल्ह्यात तेथील पोलीसांची संख्या पाहून स्वतंत्र हॉस्पिटलची व अंबुलन्सची व्यवस्था करून दर आठवड्याला पोलीसांची कोरोनाची तपासणी करावी.

3 ) पोलीस अधिकारी किंवा पोलीस कर्मचारी हे सेवानिवृत्त होऊन मरण पावले असता ..महात्मा फुले जीवनदायिनी आरोग्य योजनेअंतर्गत पोलीस कुटूंब आरोग्य योजनेचा लाभ शेवटपर्यंत त्यांच्या कुटुंबातील व्यक्तींना मिळावा.

4 ) राखीव पोलीस उपनिरीक्षक 2014 मधील सर्व उमेदवारांना पदोन्नती देऊन ..RSI – RPI – तसेच R – DYSP यांच्या जागा तात्काळ भरण्यात याव्या.
5 ) 2013 मधील विभागीय मर्यादित उपनिरीक्षक परीक्षा पास झालेल्या उमेदवारांना त्वरित नियुक्ती देण्यात यावी.

6 ) 2016 मधील पोलीस उपनिरीक्षक मर्यादित विभागीय परीक्षेतील पात्र उमेदवारांना लवकरात लवकर नियुक्ती आदेश द्यावे.

7 ) पोलीस पाल्यांना पोलीस भरतीमध्ये 10 % आरक्षण देण्यात यावे.